حيله وإلا حل 🤔

 

من المواضيع اللي تجذبني هي ( حيّل او تكنيك او اسرار ) لاخفاء كذا و كذا  طبعا تكون مشكلة جمالية , اما بشره 
او شعر او بالملابس , الأكيد انها ما تجذبني مبهوره من الخطوات وانما  تجذبني لغرابة المكتوب و المبدأ , اولا لما يكون عندي 
مشكلة ما هل احتاج اخفيها او اني احلها ؟ 
طبعا ابحث عن حل لا عن حيله لأخفاء المشكلة , بالحل تنتهي لكن بالاخفاء تبقى معي .

اول البنود في مواضيع الحيّل , هو اخفاء حمالة الصدر , اعتقد هذا كان زمان , حاليا متوفر قصّات مختلفه وخامات ايضا تقدرين تختارين 
منها ما يتناسب مع قصّة فستانك او قطعتك العلويه سواء قميص او تيشيرت او حتى التوب لما ما يكون فيه دعامة .

نجي على اكثر المقاطع المتداوله وهي تضييق التيشرت او القميص , انا شخصيا ضدها تماما و عن تجربه , ممكن تكون ناجحه 
وضبط معك المقاس بعد التضييق بالربطه او العقدة لكن خلال يومك بيكون مزعج ممكن ينفتح يتغير لازم تعيدين نفس الاجراءات
كل كم ساعة , وهذا مااشوفه حل مريح , من وجهة نظري اي مشكلة في المقاسات حلها الوحيد خياطات , تضييق او قص وبكذا 
ترتاحين ع طول بدون قلق .



بالنسبة لحيل المكياج هي الاقل ضررا لان من خلال متابعتي للمجال فهي تعلمك كيف تسوين الايلاينر بطريقة اسرع واسهل , او الكنتور 
بكذا تكون المواضيع مفيده لكن انتبهي من الحيل الغبيه مثل انك تحطين بودرة ع رموشك بعد الماسكرا بعدين تعيدين تحطين المسكارا
والهدف كثافه ابدا عزيزتي راح تطلع رموشك مثل رجول الذباب , هذا اللي يزعلني النصائح والحيل اللي ما فيها ضمير , تضل اقل ضررا 
لكن عدم نشرها افضل .

.,

اخر حيل اللي مستحيل اتحمل اشوفها هي تلوين الشعر او تصفيفه بشكل يطلعه اقصر او اكثر  نعومه ارجوك الا شعرك لا تلعبين فيه 
انا اعتبر الشعر روح وواجب نحافظ عليها , 

في المقابل في مجال تنسيق الأزياء نقدم حلول لتظهرين بمظهر اكثر اناقة و نحل بعض الاشكاليات اللي مالها حل ما نعتبرها عيوب 
لان ربي ما خلق الا كل شي جميل سواء قصيره او طويله او  شكل جسمها بشكل معين ابدا كل شي جميل لكن حلول مستشارات المظهر
هو لتركيز النظر و لفت الانتباه لعناصر الجمال الأقوى في مظهرك . تأكيدا لرفضي التام لكلمة حيله او تكنيك لاخفاء مشكلة ,
نحن نقدم  حلول و اختيارات افضل  .