منتج عليه مدح كبير وتسويق رهيب وتنافس كبير لانتاجه اللي هو( شراب الكلوروفيل ) .
🍀
تقريبا من شهرين اكتسحت التيكتوك ( التيكتوك اثبت كفاءة وفعالية كبيره في تسويق الفقاعة ) اعلانات تسويقيه على شراب الكلوروفيل وكيف انه شراب معجزه لدرجه صار غير متوفر في المواقع اللي كانت تبيعه مثل ايهرب .
المنتج المشهور
المنتج اللي على اليمين هو اللي مكسر المدح , وهو اللي سولد اوت لفتره مو طبيعيه .
وكنت انتظر يرجع يتوفر المشروب تحممممست مره ابي اشوف النتائج مع اني اسوي مشروب الكلوروفيل في البيت من اول وفعلا مشروب سحري لكن قلت اريّح واجربه كمكمل غذائي .
سعره في المواقع يبدا من 40 -70 ريال سعودي . تم انتاجه من شركات غذائية مختلفه ولان المنتج الافضل كان غير متوفر لفتره طويله في ايهرب ولاني مااثق الا في ايهرب قررت اجرب ثاني افضل منتج .
👇
حقائق عن مشروب الكلوروفيل مالاحظتها في المشروب ابدااااااا . لكن بتلاحظونها وتحصلون على النتائج المذكوره لو سويتوه بانفسكم ( كلوروفيل طبيعي منزلي ) .،
جربت المنتج لمدة شهرين . كنت احط 5 مل منه على ربع كوب من الماء واشربه يوميا ، تعالو اقولكم ايش صار معي .
· نقص وزني ❌.،
مافرق معي ابدا رغم اني اسوي رياضه وقتها و اتبع برنامج غذائي قليل السعرات
· يسبب الإسهال ❌
· رائحة الفم والجسم تصير عطره ❌
· علاج مشكلات البشره مثل حب الشباب ❌ ( الحمدلله ماعندي مشاكل لكن مالاحظت شي على بشرتي )
· تخليص الجسم من السموم لدرجة بشرتك و نفسيتك بشكل عام تتحسن , ابدا مالاحظت من بعد ماجربت المشروب .
ولاشي ولا اي فايده ولا اي ضرر ان شاء الله ، فقط انزعجت من الصبغة الخضراء على الاسنان ,لذالك في نهاية هالمقال اقولكم الحقائق صحيحه لكن في منتج طبيعي - من تجربتي السابقه- في الخضروات الورقيه وخصوصا السبانخ والبقدونس والجرجير غنية جدا بالكلوروفيل.
🍀🍀
خلطة طبيعية لصنع كلوروفيل طبيعي في المنزل :
في الخلاط
حزمة جرجير مغسوله جيدا
حبة برتقال
و حبه تفاح بدون قشور
واضافة الماء حسب الاحتياج ابدئي بربع كوب ماء
وممكن تضيفين ثلج
والاهم تصفية المشروب بعد الخلط
وبالعافيه 💗
كوب واحد يوميا او كل يومين بتلاحظين كل العوامل الصحيّة المطلوبه ، والله يحفظكم 🌹
تعليقات
إرسال تعليق