في كل مرحله اكتشف نفسي اكثر . ( خيّاطة ) احب الخيّاطة واتحسس انواع الخامات كثير وتستهويني تفاصيل القطع الجاهزه اكتشفت هالشي في مرحلة المراهقه تقريبا فترة الثانوي. لذالك و قبل ستة سنوات اتخذت اهم خطوة في حياتي و درست في دورة مكثفه اساسيات الخياطة. لاني من يوم مابديت اهتم بالاناقة والمظهر كنت اخيط فساتيني عند الخياط و قلما اشتري فساتين جاهزه ,لانه يهمني اللبس المحتشم الانيق اللي غالبا مانلقاه جاهز، ولاني اعرف تفاصيل جسمي وايش يناسبه مو اي قطعه ارتاح لها نفسيا 🙊.
بدايات عملي الحُر هي تصميم عبايات التخرج لاني معلمة وكنت ادرس ثالث ثانوي في هذيك السنة اتفقو مع خياطه حرفيا ضحكت عليهم فكانو يتشكون وضاقت صدور بناتي وعشانهم .، كلمت اللي اعرف وفصلت لهم احلى عبايات ومن هنا بديت.
...
كثير كانو يسالوني في تنسيق قطع او حابه تفصّل موديل معين تتصل الو ساعديني ويثقون برائي ونظرتي لطلتهم الآخيره هنا صار عندي ملامح خبيرة المظهر. البنات يطلعون باحلى اطلاله لما نتناقش ونعدل. نزلت بوحده مره للمول عندها عقده من جسمها طلعنا بتنسيق للعيد والله انا دفعت قيمته عشان تقتنع بس ،. كلن مدح طلتها وسالها من وين؟ وهنا بانت لي اهمية اني اتعلم اساسيات مجال خبيرة المظهر واخذت دورة مكثفه فيها عشان زبونتي تطلع من عندي بافضل اختيار وتكون راضية.
فتوجهت لدراسة تصميم ورسم الازياء ، عشان اعبر بطريقة ابداعية اكثر عن افكاري واحساسي 🙊 ... ( خبرة في انواع الأقمشة و مايتناسب مع التصاميم والقصّات )
الان انا املك محليّن ، واحد للاقمشة بفضل الله سهل عليّ العمل على التصميم والتفصيل بارخص الاسعار، والاخر لعرض القطع اللي افصلهم .
في الاخر انا مجموعة انسان شغفه الأساسي هو الأزياء , عيونه تشوف الجمال في كل شي. فاقدم خدمات في استشارة المظهر و تنسيق الاطلالات و احب انزل مع احد المول ( منسقة مظهر شخصية ) ونقضي يوم حلو 🛍 واحب طلبات :( التفصيل حسب الطلب )
( مصممة أزياء ) حّق للنهايات ان تّبجل , فنهاية الأفكار المميزه فساتين انيقة لذالك احرص على تصميم وتنفيذ فساتين ناعمة وتناسب الذوق العام وأعرضها في حساباتي على السوشل ميديا وكذالك في بوتيكي
تعليقات
إرسال تعليق